Þá er enn og aftur komin miðvikudagur sem þýðir að helgin verður komin og farin áður en ég næ að snúa mér við. En svona er þetta bara - ég ræð víst engu um þetta.
Svo sem nóg framundan.
Kaffiboð í kvöld hjá konunni í Grafarholtinu - hún er svo hrikalega myndarleg húsmóðir og klár í hnallþórunum að ég hlakka mikið mikið til að setjast niður með kaffibolla og eitthvað gott að maula með. Enda sagði hún mér í gær að hún ætlaði að hætta að vinna á hádegi í dag til að fara heim og baka fyrir okkur kellingarnar! (ekki satt ;-)
Á laugardagskvöldið ætlar "skerjó" hópurinn að bregða undir sig betri fætinum og fara út að borða. Hlakka líka til að fara með þeim á smá skrens - orðið allt of langt síðan síðast með þeim!
Annars er það helst í fréttum að heiman að erfinginn missti tönn í gær og gleymdi að setja hana undir koddann - eða kannski bara gleymdi hann að segja mér að hann ætlaði að setja tönnina undir koddann til að testa þetta með tannálfinn. Hann er eflaust alveg með það á hreinu að tannálfskvikindið er ekki til. En samt - ég er lásý mamma að hafa klikkað á þessu!
Svo líður að Akureyraferð erfingjans. Mamman ætlar nú að bregða undir sig betri fætinum og fljúga norður til að hvetja drenginn og hans félaga í KR til dáða á Goðamótinu.
Þar til næst
Feb 15, 2006
Subscribe to:
Post Comments (Atom)
1 comment:
Eins gott maður standi undir væntingum með kökurnar maður :-)
Birna
Post a Comment